Gjatë ditës së djeshme është raportuar për disa deputetë të Kuvendit të Kosovës, të cilët po e pengojnë kalimin e demarkacionit, e ndërkaq ata dhe familjet e tyre lëvizin lirë me pasaporta të shteteve të huaja.

Ndër këta deputetë është përmendur edhe emri deputetit të AAK-së, Daut Haradinaj, për të cilin është thënë se ka pasaportë të Shqipërisë dhe se së bashku me familjen e tij lëvizin lirshëm.

Por, ky i fundit, në një reagim për Indeksonline ka dërguar disa foto, ku shihet pasaporta e tij, e që është e Republikës së Kosovës.

“E vetmja pasaportë qe kam dhe deri tani është kjo, unë ju përgjigjem vetëm atyre që më kanë votu, e jo atyre qe janë shkarku, sido që të jetë versioni i vjetër është ne dëm të Kosovës dhe do jetë i pa pranueshme për mua”, ka thënë Haradinaj.

Në mesin e emrave të përmendur që posedojnë pasaporta të shteteve tjera ka qenë edhe ai i kryeministrit Ramush Haradinaj dhe familjes së tij./Indeksonline/